Aŭtary elektronnaj encykłapedyi «Spadčyna»: dapamažycie vydać na kampakt‑dyskach
U intervju BiełaPAN student II kursa humanitarnaha fakulteta (śpiecyjalizacyja «veb‑dyzajn») Biełaruskaha dziaržuniviersiteta A.Kulbicki paviedamiŭ, što bolš čym hod tamu jon razam sa svaim tavaryšam, ciapier vypuśnikom škoły M.Dziatłavym pačaŭ pracavać nad hetym prajektam. Vynikam pracy staŭ kampakt‑dysk «Spadčyna», na jakim pradstaŭleny piać tematyčnych raździełaŭ encykłapiedyi: «Infarmacyja», «Ekskursii», «Vyjavy», «Vajennaja sprava» i «Litaratura».
U raździele «Infarmacyja» možna aznajomicca z historyjaj dziaržaŭnych simvałaŭ Biełarusi, chranałohijaj najvažniejšych padziej jaje minułaha, mifałohijaj biełarusaŭ i poŭnym kursam historyi krainy, a taksama ŭdakładnić sens luboha histaryčnaha termina i paniaćcia.
U raździele «Ekskursii» pakazany maršruty pa słavutych miaścinach Biełarusi. Pryčym najbolš značnyja kulturna‑histaryčnyja abjekty možna ŭbačyć u abjomnaj vyjavie.
U raździeł «Vyjavy» ŭvašli fatahrafii pomnikaŭ historyi, kultury i pryrody, zhrupavanyja pa časinach hoda, a taksama fotahalereja narodnych ramiostvaŭ i tvoraŭ biełaruskich mastakoŭ.
U raździeł «Vajennaja sprava» ŭklučany schiemy bitvaŭ z udziełam biełarusaŭ, karty krainy ŭ roznyja pieryjady jaje minułaha, a taksama histaryčnyja krasvordy i viktaryny.
Raździeł «Litaratura» ŭklučaje bijahrafii i tvory biełaruskich litarataraŭ, a taksama spasyłki na vydańni pa histaryčnaj tematycy.
Aŭtary encykłapiedyi vykazali ŭdziačnaść za dapamohu ŭ padrychtoŭcy prajekta zavuču minskaj himnazii № 13 Alenie Małaškievič i biełaruskamu piśmieńniku Uładzimiru Arłovu.
Z encykłapiedyjaj možna aznajomicca na interniet‑sajcie www.spadchuna.narod.ru.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu6060
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu60
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary