Kampanii-pazoŭniki adznačajuć, što Google raźmiaściła ich na niezasłužana nizkich radkach u svaich pošukavych rejtynhach.
Jeŭrapiejskaja kamisija pačała antymanapolnaje rasśledavańnie adnosna dziejnaści kampanii Google, jakoje nakiravana na vyśviatleńnie mahčymych parušeńniaŭ, što dapuskajucca karparacyjaj adnosna svaich kankurentaŭ, paviedamlajuć infarmahienctvy.
Padstavaj dla pačatku rasśledavańnia stali skarhi, atrymanyja rehulujučymi orhanami Jeŭrapiejskaha sajuza ad troch kampanij: francuzskaj jurydyčnaj pošukavaj sistemy ejustice.fr, brytanskaj kampanii Foundem, jakaja zajmajecca paraŭnańniem cen, i servisu elektronnaha handlu Ciao, jaki niadaŭna nabyła kampanija Microsoft. Jany adznačajuć, što karparacyja Google raźmiaściła ich na niezasłužana nizkich radkach u svaich pošukavych rejtynhach.Śćviardžajecca taksama, što Google złoŭžyvaje svaim pravam uviadzieńnia minimalnych stavak dla rekłamadaŭcaŭ. Dola rynku pošukavaj rekłamy Google u Jeŭropie składaje ŭžo kala 90 pracentaŭ, što navat bolš za dolu ŭ ZŠA, dzie kampanija zajmaje kala 80 pracentaŭ rynku.
Karparacyja Google była ŭtvorana ŭ 1998 hodzie Siarhiejem Brynam i Łery Piejdžam na asnovie vučebnaha prajekta BackRub, jaki jany raspracavali, kali byli studentami Stenfardskaha univiersiteta ZŠA. Na siońniašni dzień Google - pieršaja ŭ śviecie pa papularnaści pošukavaja sistema, jakaja apracoŭvaje bolš za 40 młrd. zapytaŭ u miesiac.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?22
Kamientary