Bankiry nie vyklučajuć skačka «cienievaha» kursu: bieznajaŭny rynak ciśnie na najaŭny
Usio bolšy popyt na zamiežnuju valutu na pazabiržavym rynku, jaki pa rašeńni Nacbanka spyniŭsia 24 traŭnia, moža pierakinucca na «čorny» rynak najaŭnaj valuty.
Usio bolšy popyt na zamiežnuju valutu na pazabiržavym rynku, jaki pa rašeńni Nacbanka spyniŭsia 24 traŭnia, moža pierakinucca na «čorny» rynak najaŭnaj valuty.
- Pazabiržavy rynak u cełym i mižbankavy ŭ pryvatnaści staić. Kali ŭ najbližejšyja 1-2 dni rynak nie zrušycca z «miortvaj» kropki, to popyt vyljecca na «čorny» rynak najaŭnaj valuty, - zajaviŭ interfax.by pradstaŭnik adnaho z bankaŭ.
- Imparciory hatovyja najmać ludziej, jakija buduć za płatu stajać u čerhach u abmieńnikach, damaŭlacca z «valutčykami», heta značyć šukać najaŭnuju zamiežnuju valutu dla praciahu dziejnaści imparciora. Finansavyja patoki na rynku impartnych spažyvieckich tavaraŭ kančatkova syduć u cienievuju «hatoŭku», - rastłumačyŭ surazmoŭca.
Pavodle jaho prahnozu, heta vykliča rezki skačok «cienievaha» kursu na najaŭnuju zamiežnuju valutu i dalejšaje padaražeńnie impartu.
- Impart u lubym vypadku budzie i dalej daražeć, bo jaho robicca ŭsio mienš, choć pa šerahu pazicyj jon užo ŭpirajecca ŭ płaciežazdolny popyt nasielnictva, - skazaŭ bankir.
Ź inšaha boku, pa słovach adnaho z apierataraŭ «čornaha» najaŭnaha rynku zamiežnaj valuty, ciapier u hetym siehmiencie skłałasia paradaksalnaja situacyja: popyt na zamiežnuju valutu raście štodnia, ale «cienievy» kurs zachoŭvaje svaju stabilnaść na ŭzroŭni Br5,4-6 tys. užo jak minimum 6 dzion, niahledziačy na praviedzienuju ŭčora devalvacyju aficyjnaha kursu na 55%. Nacbank ź jaho aficyjnym kursam tut ni pry čym.
Asnoŭny popyt na hetym rynku farmujuć drobnyja indyvidualnyja pradprymalniki, jakija, jak praviła, kuplajuć za adzin raz nie bolš za 1 tys. dalaraŭ.
Ciapier jany hatovyja kuplać dalar u siarednim pa Br5,5 tys., aryjentujučysia na płaciežazdolny popyt nasielnictva.
- Tamu jany pracujuć na ŭmacavańnie kursu. Viadoma, jość i bolš bujny popyt - ad 100 tys. dalaraŭ i vyšej, hety popyt hatovy ciapier kuplać i pa Br6 tys, i pa Br6,5 tys. za dalar. Ale za adzin raz nichto z «valutčykaŭ» takuju sumu prosta nie moža pradać. Niama takich abaračeńniaŭ. Niama valuty na rynku, - abmalavaŭ interfax.by situacyju surazmoŭca.
Jon tłumačyć heta tryvałaj naściarožanaściu nasielnictva, jakoje "nie paniesła» ŭ punkty abmienu valut najaŭnyja dalary, niahledziačy na adčuvalny rost kursu pakupki ŭ abmieńnikach - z Br4,5 tys. da Br5 tys.
Kamientary