У чацвер, 8 снежня, у бібліятэцы імя Урублеўскіх Акадэміі навук Літвы адбудзецца прэзентацыя дужа цікавага для беларусаў выдання. Прэзентуюць пераклад на англійскую мову кітаба XVIII стагоддзя, які паходзіць з калекцыі Івана Луцкевіча, з адпаведным навуковым каментаром.
Пры публікацыі абраная англійская мова, каб увесці гэты кітаб у максімальна шырокі зварот.
На прэзентацыі распавядуць і гісторыю кітаба, і гісторыю ягонага перакладу.
Увогуле ж кітабы — рэлігійныя кнігі беларускіх мусульман, напісаныя беларускай мовай арабскімі літарамі.
Уваход вольны.
Дата: 8 снежня
Час: 17.00 (час мясцовы)
Месца: бібліятэка імя Урублеўскіх Акадэміі Навук, Žygimantų g. 1/8, Вільня
Дарэчы, выданне ўжо можна набыць у кнігарні Інстытута літоўскай мовы (P. Vileišio g. 5).
Каментары