Ціханоўская заклікала Калас закрыць шчыліны ў санкцыях супраць Лукашэнкі
Учора Святлана Ціханоўская сустрэлася з кіраўніцай еўрапейскай дыпламатыі ў штаб-кватэры Еўрапейскай службы знешніх дзеянняў у Бруселі.
Падчас сустрэчы былі абмеркаваныя некалькі пытанняў, паведамляе прэс-служба дэмакратычнай лідаркі Беларусі.
У прыватнасці, было абмеркаванае вызваленне палітвязняў і кантакты з ЗША па гуманітарным трэку; вынікі нядаўняга візіту Ціханоўскай ва Украіну і развіццё супрацоўніцтва з украінскім бокам; узмацненне санкцый супраць рэжыму Лукашэнкі і закрыццё шчылін у санкцыйным рэжыме.
Таксама была абмкеркаваная падтрымка незалежных медый, праваабаронцаў, грамадзянскай супольнасці і дэмакратычных інстытутаў; захаванне мабільнасці беларусаў і выдачы шэнгенскіх віз; сітуацыя з бяспекай у рэгіёне і супрацьдзеянне расійскай дэзінфармацыі.
Ціханоўская перадала Каі Калас шэраг аналітычных дакументаў і расказала пра ўдзел беларускай грамадзянскай супольнасці ў абароне выбараў у Арменіі і Малдове ад расійскага ўплыву, магчымасці нацыянальнага дыялогу як аднаго з інструментаў мірнага выхаду з крызісу.
Дэмакратычная лідарка падкрэсліла, што вызваленне ўсіх палітвязняў, поўная амністыя і спыненне рэпрэсій павінны стаць першымі крокамі да нацыянальнага дыялогу і вырашэння крызісу ў Беларусі.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары
Але і "ціскусны" адкажуць за свае "ціскі" не супраць рэжыму, а супраць людзей.
Скажуць што мы не прычым?
Прычым. Бо заклікалі да "ціску", адпаведна і супраць людзей.
Скажуць што мы казалі іншае, мелі на ўвазе іншае. Мол вайна і іншае.
Чытаем дакументы санкцый:
Забарона беларусам везці з сабою ежу, цукеркі, алей і гд.
Нешта не бачым нічога з гэтых радкоў наконт санкцый супраць рэжыму ці хунты ці нешта іншае.
Пакутаюць людзі. Цяжкасці з візамі. Забарона на рэчы ўласнага карыстання і гд. Вынік ад гэтага відавочны. Ўсе накіравана на тое каб нарабіць як мага больш цяжкасцей і перашкод простым беларусам якія ў пераважнай большасці супраць вайны і рэжыму.
Ўсе накіравана на тое каб парваць чалавечыя і гістарычныя сувязі паміж беларускім народам і суседзямі, той жа Польшчай і гд.
Фуры як ехалі так і едуць. Ім по баку. Бо па дакументам Казахстан, Узбекістан і гд. А вось людзі не едуць. Не могуць. Лука цісне на людзей і памагатыя "ціскуны" так сама "ціснуць". Бо на людзей сама проста ціснуць. Абараніць іх няма каму. Ў іх абарону голаса нямя ні ў кабінетах, ні ў офісах, ні ў Кр.
Але народ будзе памятаць. І не забудзе ні злачынствы злачыннага рэжыму, ні дзейнасць "ціскуноў" - грандапілаў.
Ў вольнай Беларусі не жадаў бы бачыць што злачынцаў рэжыму, што ўсіх гэтых "ціскуноў", як на дзяржаўнай службе, так і ў палітыцы.