Куды падзелася экс-дэкан журфака БДУ Вольга Самусевіч, якая рэпрэсавала студэнтаў у 2020‑м?
Новым дэканам факультэта журналістыкі БДУ стала экс-намесніца дэкана па вучэбнай рабоце і адукацыйных інавацыях Лізавета Хмель. А што стала з яе папярэднікамі?
Раней пасаду дэкана займаў кандыдат гістарычных навук Аляксей Бяляеў. У маі 2026 года інфармацыя пра яго проста таямніча знікла з сайта журфака. Аднак Бяляеў дакладна на свабодзе — працягвае даваць каментары дзяржаўным СМІ, выступаючы яшчэ і як палітолаг. Заходзіць і ў праграму «Клуб рэдактараў», хаця не мае ніякага дачынення да медыя.
А чым цяпер занятая Вольга Самусевіч, папярэдніца Бяляева? У 2020‑м і пасля яго яна праславілася рэпрэсіямі ў дачыненні да студэнтаў, якія выходзілі на акцыі пратэстаў, былі затрыманыя і адбывалі суткі. На суткі тады трапілі і многія выкладчыкі факультэта журналістыкі. А студэнтаў адлічвалі з альма-матар.
Цяпер беларускамоўная Вольга Самусевіч — загадчыца кафедры сацыяльнай працы ў філіяле Расійскага дзяржаўнага сацыяльнага ўніверсітэта ў Мінску. Яна актыўна адзначае дні Расіі, стварае са студэнтамі карту народаў Расіі і па запрашэнні Рассупрацоўніцтва наведвае мерапрыемствы па захаванні рускай класічнай оперы.
Вольга Самусевіч нарадзілася ў 1977-м. Скончыла філалагічны факультэт БДУ (1999) і аспірантуру факультэта журналістыкі БДУ. Абараніла кандыдацкую дысертацыю «Беларускія СМІ ў лагасферы нацыянальнай культуры (лінгвістычны аспект») у 2003-м. З 2002 да 2022 працавала на факультэце журналістыкі, у 2018‑2022 — дэканам.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне13
Каментары