«Мы гаспадарлівыя». Лукашэнка супакойваў расіян, што з расійскай ядзернай зброяй у Беларусі нічога не здарыцца
Такія абяцанні прагучалі праз некалькі месяцаў пасля дыверсіі ў Мачулішчах, калі быў пашкоджаны каштоўны расійскі самалёт А-50.
Сёння ў Мінску міністр абароны Беларусі Віктар Хрэнін і міністр абароны Расіі Сяргей Шайгу падпісалі дакументы, якія тычацца размяшчэння нестратэгічнай ядзернай зброі на тэрыторыі Беларусі. Шайгу паставіў кропку ў пытанні — ядзернай зброяй будзе кіраваць толькі Расія.
Пазней Лукашэнка супакоіў расійскіх журналістаў наконт размяшчэння ядзернай зброі.
«Вы ведаеце, што мы людзі пунктуальныя, акуратныя, гаспадарлівыя, як вы кажаце, таму вы за ядзерную зброю не хвалюйцеся, мы ж нясём за гэта адказнасць», — сказаў Аляксандр Лукашэнка расійскім журналістам у Маскве, дзе праходзіў саміт ЕАЭС.
Нагадаем, 26 лютага на аэрадроме ў Мачулішчах быў пашкоджаны вельмі каштоўны расійскі самалёт дальняй разведкі ДРЛВ А-50. Усяго такіх самалётаў у Расіі, сапраўдных і няспраўных, дзевяць. Ён выкарыстоўваўся для навядзення расійскіх ракет на цэлі ва Украіне. Пасля самалёт змаглі падняць у паветра, але да сваіх задач, як выглядае, ён аказаўся няздольным і быў адпраўлены на рамонт у расійскі Таганрог.
Сёння ФСБ таксама расказала пра дыверсантаў, якія прыбылі ў Расію праз Беларусь і спрабавалі падарваць лініі электраперадач Ленінградскай і Калінінскай атамных электрастанцый. Як сцвярджала ФСБ, дыверсійная група заехала з Украіны транзітам праз Польшчу і Беларусь.
Цяпер чытаюць
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві10
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары