Зяленскі ў Германіі агледзеў батарэю Patriot, якую перададуць Украіне
Зяленскі падзякаваў канцлеру Олафу Шольцу, Германіі і ўсяму нямецкаму народу за новы абаронны пакет.
Падчас рабочага візіту ў Германію прэзідэнт Уладзімір Зяленскі разам з федэральным міністрам абароны ФРГ Борысам Пісторыусам наведалі 21-ю зенітна-ракетную групу ў горадзе Заніц, на базе якой трэніруюцца ўкраінскія абаронцы для працы на ЗРК Patriot, піша «Украінская праўда».
Зяленскі падзякаваў канцлеру Олафу Шольцу, Германіі і ўсяму нямецкаму народу за новы абаронны пакет на агульную суму больш за 700 млн еўра.
Ён адзначыў і перадачу Германіяй яшчэ адной сістэмы Patriot, і якасныя нямецкія сістэмы IRIS-T.
«Вельмі важны аспект, што вы скарацілі час па вытворчасці і трэніроўкі на гэтых сістэмах. Бо сёння гэты час вымяраецца жыццямі нашых людзей. І тое, што вы скарацілі дні, часам тыдні, мы будзем памятаць дзесяцігоддзямі», — падкрэсліў ён.
Пісторыус абвясціў, што ў новы пакет увайшлі разведвальныя і ўдарныя дроны, стралковая і снайперская зброя, РПГ, а таксама 100 дадатковых ракет да сістэм Patriot, якія Нямеччына перадасць разам з Даніяй, Нарвегіяй і Нідэрландамі.
Цяпер чытаюць
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві16
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары