У Кітаі паабяцалі выдзеліць Міністэрству лясной гаспадаркі Беларусі 2 мільёны долараў у межах міжнароднага трохбаковага праекта, паведаміла прэс-служба міністэрства.
Гэтыя грошы паступяць з кітайскага Фонду глабальнага развіцця і супрацоўніцтва і будуць выкарыстаныя для ўмацавання матэрыяльна-тэхнічнай базы беларускіх лясгасаў — у першую чаргу Брэсцкай і Гомельскай абласцей.
Праект носіць назву «Ахова лясоў Беларусі: комплексная ініцыятыва па забеспячэнні гатоўнасці да прадухілення і рэагавання на пажары на мясцовым узроўні».
Выбар менавіта двух паўднёвых беларускіх абласцей невыпадковы: менавіта там назіраецца найбольш складаная пажаранебяспечная сітуацыя — толькі ў Брэсцкай вобласці з пачатку года адбылося 220 лясных пажараў, што складае траціну ўсіх узгаранняў у краіне.
Міністр лясной гаспадаркі Аляксандр Кулік адзначыў, што, нягледзячы на дасягнутыя поспехі, праблема лясных пажараў застаецца актуальнай. У Беларусі, аднак, ужо працуе аўтаматызаваная сістэма маніторынгу і ранняга выяўлення пажараў, якая ахоплівае 100% лясоў.
Сродкі з Кітая дапамогуць яшчэ больш павысіць эфектыўнасць у папярэджанні і ліквідацыі лясных пажараў, у тым ліку на цяжкадаступных і балотных тэрыторыях. Таксама прадугледжваецца супрацоўніцтва з кітайскімі спецыялістамі, абмен досведам і ўзаемныя візіты.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі15
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары