Міжнародная федэрацыя футбольнай статыстыкі і гісторыі (IFFHS) апублікавала ў чацвер чарговы рэйтынг клубных каманд свету. У ім знаходзяцца тры беларускія клубы.
Лепшы з іх — барысаўскі БАТЭ, у якога 157 балаў, знаходзіцца на 55-м месцы, апусціўшыся на пяць пазіцый у параўнанні з мінулым спісам. Магілёўскі «Дняпро» (81 бал) займае 223-е месца, а мінскае «Дынама» (73) знаходзіцца на 286-м радку рэйтынг-ліста.
Узначальвае рэйтынг-ліст нядаўні трыумфатар Лігі чэмпіёнаў іспанская «Берселона» (317), на другой пазіцыі яе спрадвечны супернік мадрыдскі «Рэал» (307), трэцяе месца ў пераможца Лігі Еўропы — партугальскага «Порту» (291,5), замыкаюць пяцёрку лідараў англійскія клубы «Манчэстэр Юнайтэд» (285) і «Манчэстэр Сіці» (254).
Лепшае месца з прадстаўнікоў постсавецкіх краін у кіеўскага «Дынама» (222,5) — 8-е, а санкт-пецярбургскі «Зеніт» (208) знаходзіцца на 13-й пазіцыі.
Каментары