16 жніўня ў Беларусі адзначаецца Дзень Ваенна-паветраных сіл. Ён уведзены ўказам прэзідэнта № 157 ад 26 сакавіка 1998 года і святкуецца ў трэці тыдзень жніўня.
У спадчыну ад Савецкага Саюза Беларусі дасталася магутная авіяцыйная групоўка, якая мела ў сваім складзе знішчальную і бамбардзіровачную авіядывізіі, 10 асобных авіяцыйных палкоў розных родаў авіяцыі.
У канцы 2001 года ваенная авіяцыя Беларусі арганізацыйна ўвайшла ў склад новага віду Узброеных сіл — Ваенна-паветраных сіл і войскаў супрацьпаветранай абароны. З утварэннем адзінага віду УС супрацьпаветраная абарона набыла ўдарны складальнік, а баявыя дзеянні ўдарнай авіяцыі — супрацьпаветраны.
Сёння беларуская ваенная авіяцыя складаецца з бамбардзіровачнай, разведвальнай, штурмавой, знішчальнай, транспартнай і авіяцыі непасрэднай авіяцыйнай падтрымкі, у краіне створана ўласная школа падрыхтоўкі вайсковых лётчыкаў.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі4
Каментары