У Вялікабрытаніі асудзілі падлетка з аўтызмам: ён узламаў Rockstar Games, што прывяло да найвялікшай у гісторыі ўцечкі будучай GTA VI
Для такога маштабнага ўзлому падлетку спатрэбіліся толькі смартфон, клавіятура і мыш.
Лонданскі суд прызнаў вінаватым 18-гадовага Арыёна Куртая з Оксфарда ў хакерскіх атаках на кампанію Rockstar Games і іншых буйных ІТ-гульцоў. Хлопец быў удзельнікам міжнароднай кіберзлачыннай групоўкі LAPSU$, адказнай у тым ліку за ўзлом такіх кампаній, як Nvidia, Samsung і Microsoft. Судовы працэс цягнуўся сем тыдняў, пасля чаго прысяжныя вырашылі, што Куртай сапраўды вінаваты, нягледзячы на наяўнасць аўтызму.
Пра гэту гісторыю нядаўна расказала агенцтва Бі-бі-сі.
У 2022 годзе Арыён быў арыштаваны па абвінавачанні ў хакерстве. Тады ён і ягоны 17-гадовы сябра скралі амаль 117 тысяч еўра ў некалькіх кліентаў Брытанскай тэлекамунікацыйнай кампаніі ЕЕ, а ўжо пасля вызвалення ўзламалі кампанію Nvidia, за што іх затрымалі ізноў.
Куртай пасля паўторнага арышту жыў у гатэлі Travelodge, дзе за яго вызваленне павінны былі заплаціць заклад, а адной з умоў утрымання была забарона на выхад у інтэрнэт. Менавіта тады хлопец, маючы толькі смартфон, клавіятуру і мыш (што было забаронена) і ўзламаў Rockstar Games. Разам з гэтым ён ад няма чаго рабіць узламаў кампаніі Revolut і Uber.
«Арыён па ўнутранай сувязі даслаў кожнаму супрацоўніку Rockstar Games паведамленне з наступным тэкстам: «Я не супрацоўнік Rockstar, я хакер». Ён паведаміў, што мае ўсе даныя будучай гульні Grand Theft Auto 6 і дадаў, што калі кіраўніцтва кампаніі не скантактуецца з ім у Telegram цягам 24 гадзін, ён пачне публікаваць зыходны код гульні. Аднак у той жа час хлопец пачаў публікаваць 90 геймплэйных відэа GTA 6. У выніку хлопцу пазней узмацнілі рэжым утрымання і трымалі пад вартай да суда», — піша Бі-бі-сі.
Вядучы пракурор па справе хлопца Кэвін Бары распавёў, што Куртай і ягоны сябра не мелі ўстойлівых матываў, таму рабілі гэта як за грошы, так і дзеля забавы. Яны часта пакідалі абразлівыя каментры і спрабавалі шантажаваць супрацоўнікаў кампаній-ахвяр.
Журналістам таксама вядомы той факт, што супольнік Арыёна знаходзіцца пад закладам, а сам хлопец на судовае паседжанне не з’явіўся, бо мае дыягназ аўтызм і псіхіятры палічылі яго няздольным даваць паказанні. Іншыя сябры злачыннай групоўкі LAPSU$ пакуль не затрыманыя.
У амерыканскай вайсковай акадэміі West Point адчынілі знойдзеную ў помніку Тадэвушу Касцюшку «капсулу часу». Знойдзенае здзівіла
Фільм «Барбі» стане самым касавым у гісторыі Warner Bros, абагнаўшы ўсе часткі «Гары Потэра», «Хобіта» і «Цёмнага рыцара»
«Загіпнатызаваныя» ChatGPT і Bard могуць пераконваць карыстальнікаў плаціць ашуканцам і праязджаць на чырвонае святло
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары