14 жніўня гродзенец заўважыў у небе яскравую ўспышку. Некаторыя медыя напісалі, што гэта метэор. Onliner разабраўся, што гэта было насамрэч.
«Раптам на небе з'явіўся яскравы аб'ект, які вельмі хутка зніжаўся. Сказаць, што я здзівіўся, нічога не сказаць», — расказаў чытач выдання Newgrodno.
Onliner звярнуўся да папулярызатара астраноміі Віктара Малышчыца. Ён адзначыў, што выкарыстоўваць слова «метэарыт» тут не зусім правільна, бо метэарыт — гэта цела, якое да канца не згарэла і ўпала на Зямлю. Па яго словах, у гродзенскім небе быў балід.
«Балід — гэта вельмі яркі метэор, а метэор — гэта светлая з'ява, якая назіраецца пры згаранні касмічных «прышэльцаў» у зямлі атмасфернай. (…)
Тут цяжка меркаваць, ці засталося што ад гэтага баліда, але падчас апошняй успышкі магло ўтварыцца некалькі фрагментаў, частка з якіх і дабралася да зямной паверхні. Хаця, напрыклад, балід, пасля якога знайшлі знакаміты метэарыт «Смалявічы», быў нашмат ярчэйшым», — сказаў Малішчыц.
Загадчык Мінскага планетарыя Аляксандр Мікуліч распавёў журналістам, што гэты балід зафіксавалі тры камеры беларускай метэорнай сеткі. Метэор праляцеў над тэрыторыяй Украіны. Па памерах касмічнае цела невялікае — менш метэарыта «Смалявічы», які ўпаў у Беларусі ў канцы снежня.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары