Падчас начной атакі на Таганрог ўкраінцы знішчылі два ўнікальныя расійскія самалёты
У выніку начной атакі на Таганрог на тэрыторыі Таганрогскага авіяцыйнага навукова-тэхнічнага комплекса імя Берыева было знішчана 2 самалёты, а таксама нанесеныя страты інфраструктуры. Гэта пацвярджаецца спадарожнікавымі здымкамі.
Адзін з гэтых самалётаў — А-60, эксперыментальная лятаючая лабараторыя, якая выкарыстоўвалася для выпрабаванняў лазернай зброі.
Спадарожнікавае фота, зробленае тры дні таму, 22 лістапада, паказвае, што на ўчастку аэрадрома, які пацярпеў ад удару, стаяў менавіта самалёт А-60. На спадарожнікавых здымках таксама бачныя цеплавыя сляды, зафіксаваныя сістэмай маніторынгу пажараў NASA FIRMS. Самалёт лёгка пазнаць па незвычайным насавым абцякальніку, у якім месціцца спецыяльнае абсталяванне.
Як паказвае аналіз здымкаў за іншыя даты, А-60 працяглы час стаяў на гэтым месцы без руху — яшчэ да пачатку поўнамаштабнай расійскай агрэсіі супраць Украіны. Апошнія паведамленні пра тое, што Расія аднавіла распрацоўку баявога лазера і мадэрнізацыю А-60, адносяцца да 2012 года, піша «Радыё Свабода».
Другі знішчаны самалёт — А-100 (без радара), самалёт далёкага радыёлакацыйнага выяўлення і кіравання.
Таксама значныя пашкоджанні атрымаў завод, у прыватнасці цэх канчатковай зборкі.
Акрамя самалётаў і цэха ўкраінскія ўдары паразілі пазіцыю сістэмы СПА C-400, але з якімі наступствамі — са спадарожніка цяжка высветліць.
Гэта не першая ўкраінская атака на навукова-тэхнічны комплекс імя Берыева, які спецыялізуецца на абслугоўванні і мадэрнізацыі ўнікальных расійскіх самалётаў — не толькі А-60, але і самалётаў далёкага радыёлакацыйнага выяўлення А-50, якія Расія ўжо страчвала падчас вайны. Так, у сакавіку 2024 года ў выніку атакі ўкраінскіх дронаў на тэрыторыі комплексу быў пашкоджаны дах аднаго з ангараў.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі1
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4646
Каментары