Міліцыя заклікае не купляць старыя тэлефоны. Прычына можа выклікаць у вас новую фобію альбо смех
Праваахоўнікі Брэстчыны занепакоіліся рынкам танных мабільнікаў. Па іх словах, у мабільніках з рук можа быць спецыяльна ўсталяваная самаробная выбухоўка.
Брэсцкая міліцыя перапосціла паведамленне сяброўскага канала. У посце пад трывожнай назвай «Выбухныя тэлефоны з «Куфра» гаворыцца, што ў корпусе старэнькай Nokia могуць быць схаваныя самаробныя выбуховыя прылады або хімічная пастка (што гэта, не тлумачыцца).
Сілавікі звярнулі ўвагу на нізкія цэны на папулярных гандлёвых пляцоўках, дзе кнопачныя апараты прапануюць за 35—50 рублёў, у той час як у крамах іх кошт пачынаецца ад 140 рублёў. У прыватнасці такія бацькі часта купляюць сынам перад адпраўкай у войска.
Паводле версіі сілавікоў, такая эканомія можа абярнуцца горам, прынамсі найменш стацца шпіёнскай гісторыяй. Аўтары зазначаюць, што ніхто не ведае мінулага набытага з рук апарата, і ён можа спрацаваць падчас зарадкі або пасля спробы яго адкрыць.
Нягледзячы на тое, што рэальных выпадкаў тэлефоннага тэрарызму з трубкамі з «Куфра», дый наогул у Беларусі, не было, міліцыя настойліва раіць не рызыкаваць здароўем і набываць тэхніку выключна ў афіцыйных дылераў.
Яшчэ ў адным посце дадаецца другая пагроза старога тэлефона — у прашыўку яго можа быць убудаваны вірус, здольны самастойна перадаваць асабістыя даныя махлярам.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары