Нагодай стала заява Масквы з нагоды выхаду Польшчы з Атаўскай канвенцыі.
Як паведамлялася, 18 сакавіка міністры абароны Эстоніі, Латвіі, Літвы і Польшчы выпусцілі сумесную заяву пра выхад гэтых краін з Атаўскай канвенцыі. Яна прадугледжвае адмову ад выкарыстання супрацьпяхотных мінаў, спыненне іх вытворчасці і знішчэнне запасаў.
Польшча далучылася да гэтага пагаднення ў 2021 годзе.
У сумеснай заяве адзначалася важнасць умацавання патэнцыялу стрымлівання і абароны з увагі на «нестабільную сітуацыю ў сферы бяспекі, звязанай з агрэсіяй Расіі і сталай пагрозай, якую яна ўяўляе для еўраатлантычнай супольнасці».
20 сакавіка афіцыйная прадстаўніца МЗС Расіі Марыя Захарава на брыфінгу заявіла: «Зразумела, мы прымем крокі ў адказ у мэтах забеспячэння абароны і бяспекі краіны, у тым ліку вайскова-тэхнічнай бяспекі».
Захарава адзначыла, што намер краін Еўропы выйсці з міжнароднага пагаднення сведчыць пра іх гатоўнасць «у любую секунду» адмовіцца ад абавязацельстваў.
Гэтая заява не засталася па-за ўвагай міністра замежных спраў Польшчы Радаслава Сікорскага.
Klasyka sowieckiej dyplomacji. Rosja grozi nam odwetem za wyjście z konwencji o minach przeciwpiechotnych, do której sama nie należy.
«Класіка савецкай дыпламатыі. Расія пагражае нам помстай за выхад з Канвенцыі аб супрацьпяхотных мінах, удзельніцай якой яна сама не з'яўляецца», — заўважыў Сікорскі на сваёй старонцы ў Х у той жа дзень.
Нагадаем, што сярод 164 краін, якія падпісалі Атаўскую канвенцыю, няма такіх дзяржаў, як Расія, ЗША і Кітай.
У той жа дзень міністр замежных спраў Польшчы ў інтэрв'ю каналу Sky News заявіў:
«Пасля трох гадоў баявых дзеянняў Пуцін усё яшчэ ваюе на Данбасе і прайграў вайну на Чорным моры. Ён даказаў, што не здольны здзейсніць аператыўны або стратэгічны прарыў. (…)
Пуцін хоча ўсю Украіну. Ён адмаўляе Украіне ў праве на існаванне як незалежнай, дэмакратычнай, празаходняй дзяржавы. Гэта класічны каланіяльны наратыў, у якім ён уяўляе сябе як чалавека, які вырашае, хто можа быць нацыяй, а хто не».
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары
Хіба ты мент