Палата прадстаўнікоў ЗША прагаласавала за раскрыццё «файлаў Эпштэйна». Сенат прыняў гэтую пастанову без абмеркавання
У Палаце прадстаўнікоў за гэтае рашэнне прагаласавалі 427 кангрэсменаў ад абедзвюх партый, супраць — толькі адзін рэспубліканец.
Палата прадстаўнікоў ЗША ў аўторак амаль аднагалосна прагаласавала за публікацыю ўсіх несакрэтных матэрыялаў са справы асуджанага педафіла, фінансіста і былога прыяцеля Дональда Трампа Джэфры Эпштэйна, з якім, па словах прэзідэнта ЗША, ён разарваў адносіны ў пачатку 2000-х, за два гады да першага арышту Эпштэйна. Услед за гэтым Сенат ухваліў законапраект без абмеркавання, піша Бі-бі-сі.
У Палаце прадстаўнікоў за гэта рашэнне прагаласавалі 427 кангрэсменаў ад абедзвюх партый, супраць — толькі адзін рэспубліканец.
Законапраект пад назвай «Закон аб празрыстасці файлаў Эпштэйна» (Epstein Files Transparency Act) быў унесены кангрэсменамі ад абедзвюх партый.
Неўзабаве пасля гэтага лідар дэмакратычнай меншасці ў Сенаце Чак Шумер прапанаваў прыняць законапраект без абмеркавання на аснове аднагалоснай згоды. Пярэчанняў сапраўды ніхто з сенатараў не выказаў, і законапраект быў тым самым прыняты. Цяпер ён адпраўляецца да Трампа, у якога застаецца права вета.
Калі прэзідэнт не скарыстаецца правам вета або калі Кангрэс пераадолее яго, Мінюст ЗША будзе абавязаны апублікаваць усе несакрэтныя матэрыялы, дакументы, перапіску і дадзеныя расследаванняў.
У гэтыя выходныя Дональд Трамп заклікаў кангрэсменаў-рэспубліканцаў прагаласаваць за гэты закон, заявіўшы, што яму няма чаго хаваць. Пры гэтым у прэзідэнта дастаткова паўнамоцтваў для таго, каб апублікаваць любыя дакументы адміністрацыі; спецыяльны закон для гэтага не патрэбны і яго аўтары напісалі яго для таго, каб абавязаць Трампа раскрыць гэтыя матэрыялы.
Кангрэсмен-дэмакрат Роберт Гарсія, нягледзячы на гэта, у аўторак пасля галасавання заявіў, што Дональд Трамп «панікуе і спрабуе спыніць наша расследаванне».
На мінулым тыдні кангрэсмены-дэмакраты апублікавалі тры ланцужкі электронных лістоў, у тым ліку перапіску паміж Эпштэйнам і яго даўняй паплечніцай Гіслейн Максвел, якая зараз адбывае 20‑гадовы тэрмін за гандаль людзьмі ў сэксуальных мэтах. У некаторых лістах згадваецца Трамп, але сведчанняў, што ён датычны да якіх-небудзь злачынстваў, там няма.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне13
Каментары
Столькі крыніц, але не, мы будзем браць расейскамоўныя!