З канца сакавіка з Мінска запускаюцца два новыя аўтобусныя маршруты — у Польшчу і Германію. Перавозчык Intercars пачне выконваць рэйсы ў рамках новых напрамкаў, якія ахопліваюць некалькі буйных гарадоў, піша «Анлайнер».
Рэйсы па маршруце Мінск — Кельцы (Польшча) пачнуць курсаваць з 26 сакавіка. Адпраўленне — двойчы на тыдзень, чацвяргамі і суботамі, а 21:00 з аўтавакзала «Цэнтральны» ў Мінску.
Па дарозе аўтобус будзе рабіць прыпынкі ў Любліне і Радаме, а прыбыццё ў Кельцы запланавана на раніцу наступнага дня.
Зваротны рэйс таксама адпраўляецца а 21:00 з Кельцаў і прыбывае ў Мінск днём наступнага дня.
Кошт білета залежыць ад пункта прызначэння:
- Мінск — Кельцы — 130 рублёў, дзецям да 12 гадоў уключна — 65 рублёў (зніжка 50%), моладзі да 26 гадоў і пенсіянерам — 117 рублёў (зніжка 10%);
- Мінск — Люблін — 120 рублёў, дзецям да 12 гадоў уключна — 60 рублёў (зніжка 50%), моладзі да 26 гадоў і пенсіянерам — 108 рублёў (зніжка 10%);
- Мінск — Радам — 120 рублёў, дзецям да 12 гадоў уключна — 60 рублёў (зніжка 50%), моладзі да 26 гадоў і пенсіянерам — 108 рублёў (зніжка 10%).
Рэйсы маршрутам Мінск — Мюнхен (Германія) стартуюць з 27 сакавіка і будуць выконвацца па пятніцах. Адпраўленне з Мінска — 14:40.
Маршрут праходзіць праз шэраг гарадоў Польшчы і Нямеччыны, у тым ліку Берлін, Дрэздэн, Нюрнберг, Франкфурт-на-Майне і Штутгарт. Прыбыццё ў Мюнхен запланавана раніцай наступнага дня.
Зваротны рэйс адпраўляецца па нядзелях з Мюнхена а 16:30 і прыбывае ў Мінск у панядзелак.
Кошт білета да Мюнхена складае 350 рублёў, дзецям да 12 гадоў уключна — 175 рублёў (зніжка 50%), моладзі да 26 гадоў і пенсіянерам — 315 рублёў (зніжка 10%).
Перавозчык адзначае, што тарыфы могуць змяняцца ў залежнасці ад попыту і запаўняльнасці аўтобуса.
Білеты ўжо даступныя ў продажы.
Перавозкі будуць рабіцца на сучасных аўтобусах з кандыцыянерам, Wi-Fi і USB-раз’ёмамі, прадугледжаны санітарныя прыпынкі, дазволены правоз багажу і свойскіх жывёл вагой да 10 кг.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары