Прадукты ва Украіне каштуюць удвая танней.
Тысячы беларусаў з прымежных раёнаў спусташаюць валынскія рынкі. Ездзіць за пакупкамі ва Украіну жыхарам Берасцейскай і Гомельскай абласцей стала вельмі выгадна. Да прыкладу, прадукты ў суседняй краіне каштуюць удвая танней.
Журналісты тэлеканала ICTV распавялі пра тое, як тысячы беларусаў двойчы на тыдзень прыязджаюць у памежнае сяло Забалоцце і змятаюць усё - ад будаўнічых матэрыялаў да прадуктаў харчавання.
«Па маянэз, па сыр, агуркі, печыва… Па зефір — каб у шакаладзе толькі быў, — кажа Мікалай Ляшук, адзін з пакупнікоў. — У нас удвая ўсё даражэй. Я пенсіянер, ёсць час, мову вашу ведаю».
Украінскія памежнікі распавядаюць, што апошнім часам колькасць пасажыраў з Беларусі прыкметна вырасла.
«Пасажырапаток павялічыўся ў параўнанні з мінулым годам на 10%, -- кажа начальнік аддзела памежнага кантролю Ігар Гаварушчак. -- Мы забяспечылі дадатковыя працоўныя месцы для больш камфортнага праходжання кантролю».
Самыя вялікія чэргі на рынку ў Забалоцці — за малочнымі прадуктамі і каўбасой.
«Тварог у вас тут значна таннейшы, і малако, і алей», — кажа пенсіянерка з Беларусі Алена Паўлік.
Білет з Берасця да Забалоцця і назад абыходзіцца беларусам менш, чым за $5.
Цяпер чытаюць
Гэты беларус даследуе рак — вось што ён кажа пра SPF ад меланомы, навуковы прагрэс і самы складаны ў лячэнні рак3
Каментары