Як паведаміў афіцыйны прадстаўнік упраўлення Следчага камітэта па Брэсцкай вобласці Марына Дранькова, 18 сакавіка ў праваахоўныя органы звярнулася 52-гадовая жыхарка Баранавіч з заявай аб знікненні мужа. Жонка і муж жылі асобна, апошні раз яна мела зносіны з мужам 15 сакавіка.
Паводле слоў жанчыны, 18 сакавіка ў кватэры мужа яна выявіла знікненне тэлевізара і іншых рэчаў, а таксама замытыя плямы крыві на падлозе.
На месца здарэння выбыла следча-аператыўная група з прыцягненнем перасоўнай крыміналістычнай лабараторыі Следчага камітэта. Агляд праводзіўся з удзелам экспертаў-біёлагаў Дзяржаўнага камітэта судовых экспертыз.
Супрацоўнікамі органаў унутраных спраў падчас аператыўна-вышуковых мерапрыемстваў было ўстаноўленае дачыненне да ўчынення злачынства 51-гадовага непрацоўнага жыхара Баранавіч. Падчас вобыску па месцы яго жыхарства выяўленая выкрадзеная маёмасць.
Падазраваны затрыманы. Паводле яго слоў, забойства ён учыніў па месцы жыхарства пенсіянера 16 сакавіка падчас раптоўна ўзніклай сваркі. З удзелам падследнага праведзеная праверка паказанняў на месцы, і той назваў месца на ўскраіне Баранавіч, дзе на пустцы схаваў расчлянёны труп забітага.
Для ўстанаўлення прычыны смерці мужчыны прызначаная судова-медыцынская экспертыза. Асоба забітага пацверджаная высновамі экспертных даследаванняў.
Праводзяцца неадкладныя следчыя і іншыя працэсуальныя дзеянні для ўстанаўлення ўсіх акалічнасцяў здарэння. Прызначаны комплекс судовых экспертыз.
Следчым упраўленнем УСК па Брэсцкай вобласці распачатая справа на падставе ч. 1 арт. 139 КК (забойства). Для вытворчасці папярэдняга расследавання створаная следчая група.
-
ДАІ сказала, што рабіць з аварыямі, якія ўсё часцей учыняюць кіроўцы старэйшыя за 70 гадоў
-
У Мінску мужчына падышоў да аўтамабіля, каб падказаць, што ўключана далёкае святло. Яму залілі твар пярцовым балончыкам ВІДЭА
-
Шматдзетная расіянка хацела пазбавіцца сужыцеля-беларуса, таму заявіла ў паліцыі, што ён педафіл
Каментары