Умацоўвае імунітэт, нармалізуе працу ўнутраных органаў, паляпшае склад крыві і зараджае энергіяй — гэта далёка не поўны спіс карысных уласцівасцяў мёду. Праўда, чароўны эфект суправаджае толькі натуральны прадукт. Як выбраць той самы мёд і чым адрозніваюцца яго вадкая і густая, крышталізаваная кансістэнцыі — разбіраемся разам з кіраўніком кампаніі «Краінка», пчаляром Уладзімірам Серадой.
Густы або вадкі?
Некаторыя пакупнікі лічаць, што лепшы мёд — вадкі, але гэта няправільнае меркаванне: натуральны мёд бывае як вадкім, так і крышталізаваным. І той, і другі аднолькава карысныя.
«Пры захоўванні мёду неабходна ўлічваць, што ён можа садзіцца (у народзе —«зацукроўвацца», у навуковым разуменні — крышталізавацца). Хуткасць фармавання крышталяў залежыць ад гатунку мёду і тэмпературы навакольнага асяроддзя. Хутчэй за ўсё крышталюецца мёд з рапсу, сланечніку, грэчкі, павольней — з акацый. Пры гэтым якасныя паказчыкі ў зацукраваным мёдзе не пагаршаюцца», — распавядае спадар Уладзімер.
Да канца года бальшыня мёдаў, вырабленых у Беларусі, становіцца закрышталізаванай. Калі вы хочаце зрабіць мёд больш вадкім, Уладзімір раіць заняцца гэтым дома самастойна:
«Можна распусціць мёд на паравой лазні: гэта значыць награваць не саму кансістэнцыю, а тару з вадой, у якую затым апускаецца ёмістасць з мёдам. Улічвайце, што непажадана рабіць гэта пры тэмпературы больш чым 37—40 градусаў».
Часам пры захоўванні мёду на яго паверхні можна разгледзець друзлы пласт, больш светлы, падобны на цукар-пясок. Тут таксама няма нічога страшнага. Такая з'ява характэрна для сталага мёду з павышаным утрыманнем глюкозы і нізкай масавай доляй вады. Проста змяшайце пласты і ў будучыні захоўваеце слодыч пры больш высокай тэмпературы (не больш за 20 градусаў).
«Ёсць і яшчэ адзін від мёду: крэм-мёд. Яго рыхтуюць па пэўнай тэхналогіі з мёду любога гатунку. У працэсе свайго пераўтварэння ён ніякім чынам не губляе першапачатковых уласцівасцяў. «Пяшчотны» мёд таксама гаючы, карысны і смачны», — дадае пчаляр.
Як бачыце, пытанне наконт таго, прадукт якой кансістэнцыі больш карысны, адпадае.
Дарэчы, тым, хто сочыць за сваім здароўем, дасведчаныя пчаляры раяць звяртаць увагу не толькі на традыцыйны мёд, соты, але і на іншыя прадукты пчалярства, напрыклад пяргу.
«З пункту гледжання карысці для здароўя пярга, або пчаліны хлеб, з'яўляецца сапраўднай бомбай. Гэтая пылок раслін, сабраны меданоснымі пчоламі, выкладзены ў вочкі сотаў, заліты мёдам і закансерваваны, утрымлівае практычна ўсе вядомыя вітаміны, дзесяць незаменных амінакіслот, паўсотні ферментаў, дзясяткі мікраэлементаў… Кветкавая пылок, праполіс — усё гэта таксама вельмі карысна для арганізма. Таму не бойцеся эксперыментаваць і спрабаваць новыя прадукты пчалярства», — заклікае ўладальнік інтэрнэт-крамы медтут.бел Уладзімір Серада.
Дадамо, што і самі пчолы даўно выступаюць у якасці лекараў. З дапамогай аппітэрапіі, або пчолаўджалення, можна павысіць гемаглабін, панізіць халестэрын і пазмагацца з атэрасклерозам.
Некалькі народных рэцэптаў з мёдам
Разабраўшыся з тым, на які мёд звяртаць увагу ў асенне-зімовы перыяд, прапануем вам некалькі эфектыўных народных рэцэптаў на яго аснове. Яны не толькі ўзмоцняць супрацьстаянне прастудзе, але і палепшаць стан скуры твару і валасоў.
Вітаміны ўнутр
1. Вазьміце сок аднаго лімона і змяшайце са 100 грамамі мёду. Прымайце на ноч перад сном па 1 сталовай лыжцы разам з гарачай гарбатай.
2. Корань імбіра (300 грамаў) дробна парэжце ці натрыце на буйнай тарцы. Змяшайце з сокам аднаго лімона. Заліце сумесь кіпенем. Важна! Дадавайце мёд (каля 150 грамаў) толькі ў цёплы напой, інакш яго карысныя ўласцівасці прападуць. Піце такі чай 3 разы на дзень.
3. Калі вы любіце малочку, то абавязкова ацэніце наступны рэцэпт: размяшайце 1 сталовую лыжку мёду ў шклянцы гарачага малака і прымайце такую сумесь на ноч на працягу 7 дзён — напой не толькі добра адаб'ецца на імунітэце, але і палепшыць сон.
Для вонкавага прымянення
Маска на аснове мёду і яйка (падыдзе для сухой скуры)
Вазьміце 1 чайную лыжку мёду і 1 яйка — размясціце іх у невялікай ёмістасці. Усё гэта старанна змяшайце. Пасля наносьце субстанцыю на твар па масажных лініях. Такой маскай карысна песціць не толькі твар, але і шыю, а таксама зону дэкальтэ. Патрымаеце яе на целе 20—30 хвілін і змыйце прахалоднай вадой.
Маска з аўсянкай (падыдзе для тлустай і камбінаванай скуры)
Змяшайце 1 сталовую лыжку размочаных шматкоў аўсянкі з 2 чайным лыжкамі мёду. Нанясіце сумесь на 20 хвілін (можна як на твар, так і на цела). Такая маска класна адбельвае, сілкуе і танізуе скуру, дапамагае справіцца з пашыраным порамі і вуграмі.
Маска для валасоў (умацоўвае і дапамагае пазбавіцца ад пасечаных кончыкаў)
Вазьміце 1 сталовую лыжку натуральнага мёду, дадайце да яго 1 курынае яйка і 2 сталовыя лыжкі аліўкавага алею халоднага адціскання — старанна змяшайце да атрымання аднастайнай масы. Нанясіце сумесь на вільготныя валасы (можна брудныя) па ўсёй даўжыні. Далей надзеньце цэлафанавую шапачку і ўхутайце валасы ручніком. Пакіньце іх у такім становішчы на 30—40 хвілін. Змыйце мяккім шампунем. Рэкамендуецца ўжываць маску два-тры разы на месяц.
Не выключаем, што з улікам столькіх бонусаў ад пчол, вы самі захочаце падацца ў бортнікі. Якое для гэтага трэба абсталяванне, мы ўжо пісалі раней. Купіць яго можна ў інтэрнэт-краме мёдтут.бел або па адрасе: вул. Казінца, 42, Мінск.
ТАА «Краінка» УПП 691589626
Цяпер чытаюць
Гэты беларус даследуе рак — вось што ён кажа пра SPF ад меланомы, навуковы прагрэс і самы складаны ў лячэнні рак3
Каментары