У Егіпце арыштавалі двух сыноў былога прэзідэнта Хосні Мубарака па абвінавачванні ў маніпуляцыях на фондавым рынку.
Алаа і Гамаля Мубарака абвінавачваюць у парушэнні рэгуляцый фондавага рынку і цэнтральнага банка, паведамляе bbc.com са спасылкай на дзяржаўнае інфармацыйнае агенцтва Mena.
Справа супраць іх распачалі ў 2012 годзе, пасля таго, як іх бацьку знялі з пасады. Браты знаходзіліся на волі на працягу трох гадоў пасля выплаты закладу.
Падазраваных абвінавачваюць у растраце 115 млн даляраў.
Алаа - бізнэсмэн, які заўсёды заставаўся па-за палітыкай, тады як Гамаль - былы банкір, якога лічылі пераемнікам бацькі, перш чым самога Мубарака, скінулі падчас «арабскай вясны» ў 2011 годзе.
Ужо тады братоў арыштавалі па шэрагу абвінавачванняў і разам з бацькам прысудзілі да трох гадоў за кратамі за растрату дзяржаўных сродкаў.
У 2017 годзе егіпецкі суд вызваліў 90-гадовага былога прэзідэнта, які кіраваў краінай на працягу трох дзесяцігоддзяў, пасля таго, як былі адхіленыя абвінавачванні супраць яго ў гібелі пратэстоўцаў у 2011 годзе.
Каментары