Брэсцкія следчыя апублікавалі фота 30-гадовага махляра і просяць адгукнуцца тых, хто пацярпеў ад яго дзеянняў.
Гэты жыхар Брэста з чэрвеня 2017 года па ліпень 2018 года, атрымліваў ад грамадзян перадаплату за добраўпарадкаванне зямельных надзелаў і кладку тратуарнай пліткі. Пры гэтым у 15 выпадках работы не былі выкананыя. Шкода пацярпелым складае звыш за 26 тысяч рублёў.
Абвінавачаны змешчаны пад варту. Раней ён быў судзімы таксама за махлярства.
Следчыя просяць асоб, якія пацярпелі ад супрацьпраўных дзеянняў махляра, а таксама асоб, якім ён выконваў працы, нават у выпадку поўнага выканання абавязацельстваў і разліку за іх, паведаміць пра гэта па тэлефонах: 8 (0162) 27 37 93, 8 (029) 721 14 92.
Каментары