Мінскае абласное ўпраўленне па барацьбе з карупцыяй і эканамічнымі злачынствамі затрымала злачынную групу, якая займалася продажам дыпламоў аб вышэйшай адукацыі элітных беларускіх ВНУ.
Мінскае абласное ўпраўленне па барацьбе з карупцыяй і эканамічнымі злачынствамі затрымала злачынную групу, якая займалася продажам дыпламоў аб вышэйшай адукацыі элітных беларускіх ВНУ.
Паводле чутак, у Беларусі можна купіць паўнавартасны дыплом за 3‑5 тыс. долараў. Пры гэтым пакупнік атрымліваў не толькі самое пасведчанне, але і гарантыі, таму што яго звесткі ўносяць ва ўсе ведамасці ВНУ і праводзяць па базе Міністэрствы адукацыі.
На цяперашні момант міліцыянты ўжо затрымалі пяць чалавек: эканаміста РУПП «БелАЗ», метадыста дэканата Міжнароднага інстытута працоўных і сацыяльных адносін Федэрацыі прафсаюзаў Беларусі, выкладчыка Мінскага фінансава‑эканамічнага каледжа, намесніка дырэктара па адміністрацыйна‑гаспадарчай частцы МЧУП «Цэнтр эстэтычнай медыцыны Хіневіч і К», а таксама афіцыйна непрацуючую жанчыну. Але гэта — толькі пачатак, бо рыхтуюцца новыя затрыманні і больш важных асоб.
Паводле папярэдніх звестак, падставай для пачатку аператыўнай распрацоўкі стала інфармацыя, што жыхарцы Мінску прапаноўваюць набыць дыплом Беларускага дзяржаўнага эканамічнага ўніверсітэта за хабар у 4,5 тыс. долараў. У сярэдзіне красавіка жанчына перадала гэтую суму, а яшчэ праз тыдзень атрымала сапраўдны дыплом.
Нягледзячы на тое, што аператыўнікі пакуль не выдаюць інфармацыю па справе, вядома, што дыплом быў афіцыйна праведзены праз БДЭУ. А гэта значыць, што карані злачыннай групы вядуць гэтую вядучую эканамічную ВНУ краіны.
Паўстае пытанне аб датычнасці да скандалу і службоўцаў ад Мінадукацыі. Дыпломы з’яўляюцца бланкамі строгай справаздачнасці, якія кантралююцца міністэрствам.
Цяпер чытаюць
Гэты беларус даследуе рак — вось што ён кажа пра SPF ад меланомы, навуковы прагрэс і самы складаны ў лячэнні рак3
Каментары