З Рэспубліканскага тэатра беларускай драматургіі звольнілі актрысу Алену Баяраву
Актрысу Алену Баярову 5 красавіка звольнілі з Рэспубліканскага тэатра беларускай драматургіі, у якім яна прапрацавала 22 гады. Пра гэта актрыса сама напісала ў Фэйсбуку.
«Калегам, якія будуць іграць мае ролі — поспеху. А я — у чаканні новых творчых прапаноў», — так пракаментавала Алена сваё звальненне.
Прычыну, па якой ёй давялося расстацца з тэатрам, актрыса не назвала. А старонка з біяграфіяй Алены Баяравай на сайце РТБД ужо недаступная.
Актрыса тэатра і кіно Алена Баярава нарадзілася і вырасла ў Віцебску. Скончыла Беларускую дзяржаўную акадэмію мастацтваў. У 1998 годзе яна прыйшла на працу ў Рэспубліканскі тэатр беларускай драматургіі, за час кар'еры сыграла ў больш чым чатырнаццаці спектаклях.
Акрамя таго, Баярава здымалася ў кіно: у серыялах «Сон як жыццё», «Доўгая дарога, «Знак шчасця», «Школа жыцця», «Хуткая дапамога — 2», «Ой, матуля!» і іншых. За сваю працу актрыса ўзнагароджаная медалём Францыска Скарыны.
Чытайце таксама:
З РТБД звольнілі мастацкага кіраўніка Аляксандра Гарцуева
«Калі працуеш на дзяржслужбе — павінен быць прыхільнікам дзяржаўнай улады». Міністр культуры зноў выказаўся пра палітычныя звальненні
Міністр культуры: Больш за 300 чалавек з нашых калектываў «папрасілі». І я лічу гэта правільным
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары