81‑гадовы пенсіянер баяўся крадзяжоў і добра хаваў свае грошы, але лёгка аддаў іх махлярам
У Мінску 81‑гадовы мужчына стаў ахвярай шматступеньчатай махлярскай схемы. Усё пачалося з тэлефанавання на хатні тэлефон: «супрацоўнікі вадаканала» прапанавалі бясплатна паставіць новыя лічыльнікі. У выніку пенсіянер аддаў свае 24 тысячы долараў. І яшчэ сам настойваў, каб кур'ер забраў усё.
У мінскую міліцыю звярнуўся 81‑гадовы жыхар Маскоўскага раёна, якому патэлефанавалі ашуканцы. Мужчыну нібыта супрацоўнікі водаканала паабяцалі бясплатна паставіць новыя лічыльнікі, для чаго папрасілі назваць нумар пенсійнага пасведчання.
Як толькі мінчук прадыктаваў лічбы, з ім звязаўся несапраўдны супрацоўнік Следчага камітэта, напалохаў вобшукам і параіў неадкладна задэклараваць усе захаванні.
Пенсіянер не ведаў, што ў Беларусі не існуе такой паслугі, як дэклараванне грошай праз кур'ера. Таму ўпусціў у дом жанчыну, якую лічыў інкасатарам, і паказаў ёй, дзе хавае свае грошы.
Кур'ерка — 65‑гадовая мінчанка — сама стала ахвярай ашуканцаў і думала, што дапамагае пенсіянерам з інваліднасцю выратавацца ад крымінальнай адказнасці. Жанчына не здагадвалася, што ўдзельнічае ў схеме тэлефонных аферыстаў, хоць раней чула пра падобны падман.
«Гэты мужчына ўвесь час быў на сувязі па мабільным тэлефоне з жанчынай, і я ўвесь час чула жаночы голас, з якім ён кансультаваўся. Мужчына мне сказаў: «Вазьмі грошы за дываном». І там была прышытая кішэнька, і ў той кішэньцы былі грошы, — расказала кур'ерка ў міліцыі. — Я хацела ўжо сысці, а мне мужчына кажа: «Не, у мяне яшчэ ёсць грошы, бяры і тыя таксама».
Мужчына павёў яе ў іншы пакой, сказаў узяць грошы з гумовых ботаў, што стаялі за ложкам.
Усе грошы — 24 тысячы долараў ЗША — жанчына пакінула пад кантэйнерам для смецця, адкуль іх забраў наступны пасярэднік.
-
ДАІ сказала, што рабіць з аварыямі, якія ўсё часцей учыняюць кіроўцы старэйшыя за 70 гадоў
-
У Мінску мужчына падышоў да аўтамабіля, каб падказаць, што ўключана далёкае святло. Яму залілі твар пярцовым балончыкам ВІДЭА
-
Шматдзетная расіянка хацела пазбавіцца сужыцеля-беларуса, таму заявіла ў паліцыі, што ён педафіл
Цяпер чытаюць
У Александрыі Лукашэнка пасадзіў да сябе 23‑гадовую прыгажуню20
Каментары