На беларуска-ўкраінскай мяжы адкрыты новы сучасны комплекс пагранічнай заставы «Макраны». Гэта першы аб’ект такога тыпу, уведзены ў эксплуатацыю ў 2026 годзе ў межах дзяржаўнай інвестыцыйнай праграмы, паведаміў Дзяржаўны памежны камітэт.
Застава знаходзіцца ў зоне адказнасці Брэсцкай памежнай групы. Яе галоўная асаблівасць — выкарыстанне сучасных тэхналогій для аховы мяжы. Участак абсталяваны валаконна-аптычнай сігналізацыйнай сістэмай «Воран» з элементамі штучнага інтэлекту. Гэта азначае, што любыя падазроныя рухі або спробы парушэння мяжы могуць аўтаматычна фіксавацца і аналізавацца.
Акрамя гэтага, выкарыстоўваюцца аўтаматызаваныя пасты назірання і цеплавізары, якія дазваляюць весці кругласутачны кантроль — нават уначы або пры дрэнных умовах бачнасці. Усё гэта значна павышае хуткасць выяўлення парушэнняў і рэагавання на іх.
Раней падраздзяленне знаходзілася ў Маларыце, прыкладна за 15 кіламетраў ад гэтай тэрыторыі. Цяпер жа яно знаходзіцца непасрэдна на месцы, што дазваляе значна хутчэй рэагаваць на любыя змены сітуацыі на мяжы.
Цяпер чытаюць
Арына Сабаленка выйшла да мінчукоў у атачэнні васьмі ахоўнікаў ВІДЭА17
Каментары