Забойства адбылося 11 верасня каля 15.00 у вёсцы Каменная Горка, што за Мінскай кальцавой аўтадарогай насупраць аднайменнага мікрараёна. Злачынцу ўдалося ўцячы з месца здарэння.
Цяпер на месцы здарэння працуюць праваахоўнікі, перадае БелТА.
Жыхары Ждановіч паведамілі «Нашай Ніве», што вуліцы аграгарадка патрулююць узброеныя міліцыянты ў бронекамізэльках. Яны перасцерагаюць жыхароў і распытваюць пра чалавека з пэўнымі прыкметамі.
У вышук аб'яўлены Каранеўскі Аляксандр Уладзіміравіч 1954 г.н., які 11 верасня 2015 г каля 15 гадзін у вёсцы Каменная Горка Мінскага раёна з абрэза паляўнічай стрэльбы забіў дзвюх жанчын і ўцёк, паведамляецца на сайце МУС.
На выгляд 60—65 гадоў, рост 180—185 см, здаровага целаскладу, сівыя кароткія валасы, магчыма ў акулярах для карэкцыі зроку.
Быў апрануты: штаны (джынсы) цёмнага колеру, дарожная падоўжаная куртка цёмна-сіняга колеру з гарызантальнай паласой аранжавага колеру ззаду.
Пры сабе, магчыма, мае абрэз паляўнічай стрэльбы.
Тых, хто валодае якой-небудзь інфармацыяй пра месцазнаходжанне Каранеўскага альбо звесткамі аб злачынстве, просяць паведаміць у міліцыю па тэлефоне 102.
-
ДАІ сказала, што рабіць з аварыямі, якія ўсё часцей учыняюць кіроўцы старэйшыя за 70 гадоў
-
У Мінску мужчына падышоў да аўтамабіля, каб падказаць, што ўключана далёкае святло. Яму залілі твар пярцовым балончыкам ВІДЭА
-
Шматдзетная расіянка хацела пазбавіцца сужыцеля-беларуса, таму заявіла ў паліцыі, што ён педафіл
Каментары