Кіраўнік Адміністрацыі прэзідэнта Уладзімір Макей асабіста прайшоўся па раённых чыноўніках, каб праверыць выкананне дырэктывы Лукашэнкі аб прынцыпах дзеяння «аднаго вакна».
Кіраўнік Адміністрацыі прэзідэнта Уладзімір Макей асабіста прайшоўся па раённых чыноўніках, каб праверыць выкананне дырэктывы Лукашэнкі аб прынцыпах дзеяння «аднаго вакна».
4 лютага Ўладзімір Макей наведаў адміністрацыю Ленінскага раёну Мінску, а таксама шэраг іншых сталічных аб’ектаў. Паведамляецца, што ніхто папярэдне не чуў пра планы кіраўніка Адміністрацыі і гэта стала поўнай нечаканасцю.
Падчас праверкі Макей зачапіўся за кепска аформленыя стэнды ў фае і неахайнае афармленне журналу ўліку наведвальнікаў. Прынцып «аднаго акна» таксама атрымаў пракол, бо цягам 20 хвілін пасля прыезду Макея не працавала ніводнае (!) з трох вокнаў.
Пагаварыў высокі чыноўнік і з простымі наведвальнікамі, які стаялі ў чарзе. Людзі скардзіліся на хамскае стаўленне некаторых кіраўнікоў да іх.
Не аказалася на месцы і начальніка першага лепшага ЖЭСу ў цэнтры гораду, у які Макей завітаў. Хоць у дадзены час начальнік мусіў паводле раскладу весці прыём людзей.
Макей накіруе даручэнне мэру Мінска Міхаілу Паўлаву аб неабходнасці ўдасканальвання дырэктывы №2.
Такія пазапланавыя праверкі кіраўнік Адміністрацыі збіраецца праводзіць і надалей і не толькі ў Мінску.
Пра паход Макея «ў народ» напісалі ўсе дзяржаўныя СМІ. Збоку дзеянні Ўладзіміра Макея, які размаўляе з людзьмі ў чэргах і абяцае разабрацца з бюракратычнымі перашкодамі, выглядаюць як пачатак працы па павышэнні ўласнага рэйтынгу.
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club2
Каментары