Нямецкі палітолаг расійскага паходжання Аляксандр Рар апублікаваў артыкул у дзяржаўнай «Народнай газете», у якім засцерагае ад утварэння Балта‑Чарнаморскага саюзу.
Нямецкі палітолаг расійскага паходжання Аляксандр Рар апублікаваў артыкул у дзяржаўнай «Народнай газете», у якім засцерагае ад утварэння Балта‑Чарнаморскага саюзу.
У ім ён аналізуе пачаты працэс збліжэння Беларусі з Захадам. Ён вітае яго: «Не думаю, што Беларусь павінна цалкам капіяваць заходнюю сістэму, але было б слушным настройваць свае эліты і народ на тое, што дарога ў будучыню ляжыць праз еўрапеізацыю Беларусі, — піша ён. — Пры гэтым ні ў якім разе не павінна быць адчужэння ад Расіі, усё‑ткі Беларусь звязана з ёй многімі вякамі. Трэба спадзявацца, што Расія таксама будзе спрабаваць разам з усімі будаваць новую Еўропу».
Рар палічыў патрэбным акцэнтаваць увагу на пытаннях супрацы краінаў Балта‑Чарнаморскага міжмор’я: «Што датычыць праектаў фармавання «саюзу краінаў‑транзіцёраў», якія прапануюцца Беларусі, дык я хачу сказаць, што да гэтага Грузію і Ўкраіну штурхаюць перадусім ЗША. Акрамя таго, за гэтым стаяць намеры польскіх палітыкаў стварыць блакаду вакол Расіі. Я думаю, што саюз транзіцёраў — гэта смешна і нават небяспечна».
Гэта не шкодзіць Рару пастуляваць, што «ЕС трэба любым коштам знайсці магчымасць закупляць газ і ў Цэнтральнай Азіі». А Беларусі што, тое хіба менш жыццёва? І якім чынам Беларусь можа таго дасягнуць, калі не праз супрацу ў Міжмор’і? Іначай можа скласціся сітуацыя, калі цэнтральнаазіяцкія рэсурсы цалкам адсмокча Заходняя Еўропа, а Ўсходняя застанецца прырэчанай на залежнасць ад братняй Расіі.
Рар вядомы тым, што адлюстроўвае інтарэсы перадусім прагматычнага крыла расійскай бізнэс‑эліты і тых нямецкіх колаў, кшталту Шродэра, якія маюць інтэрас у Расіі. Як бачым, яны гатовыя прыняць пераарыентацыю Беларусі на Захад, але разглядаюць стварэнне саюзу краінаў Усходняй Еўропы як пагрозу сваім эканамічным інтарэсам.
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары