Падобна, што кандыдат у прэзідэнты сапраўды спыніў галадоўку.
У суботу грамадзянская жонка Міколы Статкевіча Марына Адамовіч атрымала чарговы ліст з СІЗА КДБ. Сумнявацца ў гэты раз у аўтарстве ліста амаль не даводзіцца.«Мікола піша пра такія дэталькі, якія мог ведаць толькі ён. Але і стыль, і почырк усё ягонае. Раней, памятаеце, мы атрымлівалі вельмі дзіўныя лісты. На гэты раз усё было адэкватна», — кажа Марына Адамовіч.
З ліста вынікае, што Статкевіч сапраўды перапыніў 12 студзеня галадоўку.«Напісаў, што прыняў рашэнне спыніць галадоўку. Піша, што галадоўка праходзіла вельмі цяжка на фоне траўмы. Не ведаю, ці гэта траўма была атрыманая падчас Плошчы ці ўжо пасля. У адным месцы ліста было напісана, што яму ставілі кропельніцу», — працягвае Марына Міхайлаўна.
Агулам кандыдат у прэзідэнты Статкевіч трымаў галалоўку на працягу 24 дзён. Цяпер ён ужо аднавіў штодзённыя прагулкі.
«Піша: «Мой галодны злобны арганізм з’еў большую частку мускулатуры. Цяпер, каб яе аднавіць, займаюся гімнастыкай». Выглядае, што перадачкі, хаця б часткова, да Міколы даходзяць.
Напісаў, каб за ягоны псіхічны стан не хваляваліся. «Я не зраблю нічога, за што б было сорамна», — расказвае спадарыня Марына.
Ліст датаваны 23 студзеня, але даслаць яго атрымалася толькі на наступны дзень.
-
Наста Рагатко расказала пра «тупыя ўстаноўкі», ад якіх ёй прыйшлося адмовіцца пры продажы сваёй кнігі
-
«Здзелка згарэла». Аўтар кнігі «Аўтарытарызм пад пагрозай» пералічыў падставы для аптымізму наконт будучыні Беларусі
-
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Цяпер чытаюць
У Александрыі Лукашэнка пасадзіў да сябе 23‑гадовую прыгажуню23
Каментары